Мектеп жасына дейінгі кекештенетін балалардың ата-аналарына жадынама (жалғасы 7)

Мектеп жасына дейінгі

кекештенетін балалардың ата-аналарына жадынама

(жалғасы 7)

Кекештенетін баланың күн тәртібінде шынықтыру процедураларына орын табу керек. Бұған ең алдымен күнделікті таза ауада болу жатады. Тері жамылғысы, тыныс алу органдары және сезім мүшелері арқылы балаға климаттық, метеорологиялық және табиғи факторлар пайдалы әсер етеді. Күн сайын серуендеу, таза ауадағы ойындар, спорттық ойын-сауық (шаналар, шаңғылар) оның жүйке жүйесін тыныштандырады, эмоционалдық көтерілу, көтеріңкі көңіл-күй жасайды. Денені терең қайта құру табиғи және қарапайым болады. Ауа ванналары жүрек – қантамыр жүйесіне де белсенді әсер етеді, оны қалыпқа келтіреді.

Күн ванналары абайлап және дәрігер айтқан дозада (олар орталық жүйке жүйесі бұзылған балаларға қарсы әсерін тигізуі мүмкін) баланың ағзасына жақсы әсер етеді, зат алмасуын күшейтеді және арттырады. Балалар үшін су процедуралары маңызды: сүртіну, құю, душ, шомылу. Олар баланың ағзасын, оның жүйке жүйесін шынықтыру үшін тамаша құрал болып табылады. Шынығу баланың физикалық дамуына ықпал етеді. Физикалық жаттығулар жалпы бұлшық ет жүйесін дамытады, маңызды өмірлік ағзалардың – өкпе мен жүректің жұмысын күшейтеді, зат алмасуын арттырады. Дене шынықтыру жаттығулары баланың күші мен моральдық рухын нығайтады, оның үйлесімді және дәл қимылдарын дамытады, құрысудан құтылуға немесе керісінше, қозғалыстың тежелуінен құтылуға көмектеседі, оның тәртіптілігі мен жинақтылығын тәрбиелеуге ықпал етеді.

Мұның бәрі баланың сөйлеу мүшелерінің жақсы жұмыс істеуіне қажетті алғышарттар болып табылады және оның дұрыс сөйлеу дағдыларын қалыптастыруға оң әсер етеді. Сондықтан кекеш балалар үшін физикалық жаттығулар, осылайша емдік мәнге ие болады.

(Материал В. И. Селиверстованың жұмыс тәжірибесінен алынды (Заикание у детей – Москва – Просвещение из Интернета).

Дефектолог-логопед О. И. Килкариди